†††منتديـات يسـوع المسـيح†††

الطمـــــــــــع Yaso3y12

مرحبا بك عزيزي الزائر. المرجوا منك أن تعرّف بنفسك و تدخل المنتدى معنا

. إن لم يكن لديك حساب بعد, نتشرف بدعوتك لإنشائه

بالضغط على (التسجيل) .سلام المسيح معك

الطمـــــــــــع Thank510


انضم إلى المنتدى ، فالأمر سريع وسهل

†††منتديـات يسـوع المسـيح†††

الطمـــــــــــع Yaso3y12

مرحبا بك عزيزي الزائر. المرجوا منك أن تعرّف بنفسك و تدخل المنتدى معنا

. إن لم يكن لديك حساب بعد, نتشرف بدعوتك لإنشائه

بالضغط على (التسجيل) .سلام المسيح معك

الطمـــــــــــع Thank510

†††منتديـات يسـوع المسـيح†††

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى يسوع المسيح يقدم لكل أعضائه خدمة وضع الاعلانات على واجهة المنتدى وهى خدمة مجانية نقدمها لكل أعضائنا فأذا كنت تريد الاعلان عن مكتبك او عيادتك او بيع شقة او ايجار او اى نوع من الاعلانات فراسلنا خلال هذه الصفحة اضغط هنا للمراسلة
منزل مساحتة120 متر ، مبنى ثلاث أدوار كامل المرافق،على الطريق الدائرى بمؤسسة الزكاة ومعروض للبيع تليفون : 0178173615 -01503975348 من طرف Mena girgis


    الطمـــــــــــع

    manameno30
    manameno30
     
     


    عدد المساهمات : 453
    نقاط : 10051847
    تاريخ التسجيل : 08/04/2010

    الطمـــــــــــع Empty الطمـــــــــــع

    مُساهمة من طرف manameno30 السبت أغسطس 20, 2011 11:28 pm


    " تخرج عروستان للمسرح هما بندق وبندقة "

    بندق : انا زعلان منك اوي يابندقة ومش هتكلم معاكي تاني
    بندقة : ليه بس يابندق؟
    بندق : عشان انتي خدتي طبق الرز بتاعي وأنا مكلتش حاجة
    بندقة : معلش بقي يابندق انا اصلي بحبه وكنت جعانة اوي وبصراحة لسه جعانة
    بندق : لا انتي وحشة انا مش هتكلم معاكي تاني
    " تخرج العروسة الأم "
    الأم : ايه ياولاد صوتكم عالي ليه
    " "بندقة تبكي بصوت عالي
    الأم : ايه يابندقة مالك بتأواي ليه؟
    بندقة : عشان بندق قال لي إنتي وحشه
    الأم : لا عيب يابندق مينفعش تقول لأختك انتي وحشة
    بندق : طب وينفع هي تاخد طبق الرز بتاعي وسندوتشين البطاطس وتشرب العصير اللي ف التلاجة وأنا لأ
    الأم : هي بندقة كلت كل ده، صحيح الكلام دة يابندقة
    بندقة : ياماما كنت جعانة من ساعة مكلت الخمس سندوتشات فول بتوع بليل وأنا مكلتش حاجة وانتي عارفة اني كمان شوية رايحة مدارس الأحد ولازم أكون مركزة
    الأم : ايوة ياحبيبتي بس كان المفروض برده تأكلي أخوكي معاكي
    بندق : ياماما قصدك تكلي أخوكي ده كان ناقص تاكلني
    بندقة : لا ياخويا انت طعمك وحش أنا عضيتك قبل كدة وكان طعمك وحش
    الأم : بس انت وهي هو ده برده اللي بتتعلموه ف مدارس الأحد إنتي مش عارفة يابندقة إن اللي بتعمليه ده إسمه طمع
    بندقة : طمع يعني ايه ياماما حاجة وحشة يعني
    الأم : اه حاجة مش حلوة ياحبيبتي الطمع إنك تبقي عاوزة تاكلي كتير ومتديش غيرك والطمع مبيبقاش ف الأكل بس بيبقي كمان ف الفلوس
    بندق : انا متكلمتش أهو ومقلتش إنك خدتي مني مصروفي بتاع إمبارح عشان ماما متزعلش
    الأم : كمان خدتي مصروفه، وخدتي مصروفه ليه يابندقة؟
    بندقة : كان نفسي ف عصير
    الأم : هو انا مش كنت جايبة لكل واحد فيكم عصير امبارح
    بندقة : ياماما دي كانت علبة واحدة ومكفتنيش
    الأم : لا ياحبيبتي انتي المفروض كنتي شربتي واحدة بس ولو عاوزة تجيبي تاني يبقي برده من مصروفك لكن متاخديش مصروف أخوكي
    بندقة : عادي بقي ياماما
    الأم : لأ مش عادي المفروض إنك تتعلمي زي مابتفكري ف نفسك تفكري كمان ف أخوكي
    بندق : هي فعلا فكرت فيا ياماما وقالت لي بلاش تشرب العصير عشان طعمه وحش وراحت شارباه هي
    الأم : يعني كمان شربتي العصير بتاع أخوكي
    بندقة : هو انا غلطت ياماما، انا حاسة انك عاوزة تقولي كدة؟
    الأم : اه طبعا غلطتي احنا ياحبيبتي لازم نتعلم القناعة، والقناعة اننا نرضي بالحاجة اللي معانا يعني لو مثلا لبس أو أكل أو شرب منقعدش نقول ده وحش وعاوزين أحسن منه أو ده قليل وعاوزين تاني لازم نبقي قنوعين
    بندقة : سمعت كلام ماما يابندق لازم تبقي قنوع
    الأم : خليكي ف نفسك
    بندقة : انتي مش قلتيلي افكر ف اخويا زي مابفكر ف نفسي
    الأم : خلاص سيبتي كل حاجة ومسكتي ف دي، عامة يابندقة انا انهاردة هدي مصروفك لأخوكي بدل اللي خدتيه منه إمبارح
    بندقة : لا ياماما عشان خاطري أنا نفسي ف مصاصة
    بندق : خلاص ياماما أنا مش عاوز غير مصروفي
    الأم : شاطر يابندق خلاص هديلكم انتوا الأتنين مصروفكم ومتنسوش تحطوا منه ف العطا بتاع الكنيسة
    بندق : حاضر ياماما
    الأم : يالله قوموا بقي البسوا عشان تروحوا مدارس الأحد
    بندقة : الله إنتي مش هتفطرينا ياماما
    الأم : إنتي لسه عاوزة تفطري

      الوقت/التاريخ الآن هو الخميس مارس 28, 2024 11:25 am